KOUE SPEK- EN SPANSPEKSOP

Dié koue sop is net die regte ding om ’n Somerkuier om die tafel af te skop.

45 ml olyfolie
250 g spek, in blokkies gesny
2 groot spanspekke, geskil en grofgekap
1 rooiui, fyngekap
2 rooi brandrissies, fyngekap
1 groot handvol koljanderblare
350 ml hoenderaftreksel
80 ml kersie-asyn
sout en varsgemaalde swartpeper
250 ml ongegeurde jogurt
3 ryp perskes, ontpit en in skywe gesny
groenertjiespruite vir garnering

Verhit olie in ‘n pan en braai die spek tot goudbruin en bros, sowat 5 – 10 minute.
Plaas die spek saam met al die bestanddele, behalwe die jogurt en perskes, in ’n groot bak.
Gebruik ‘n staafmenger (stick blender) om die mengsel tot ‘n gladde puree te verwerk.
Geur goed met sout en peper en plaas in die yskas tot baie koud.
Voeg die jogurt by en meng deur.
Skep die sop in ‘n opdienbak, plaas die perskeskywe bo-op en garneer met groenertjiespruite.
Sit voor met parmesaan-broodstokkies.

Resep en foto: Amanda Theunissen