KONDENSMELKKOEKIES
Lewer 4 kg koekies
- Meng saam en hou eenkant:
- 12 koppies koekmeel
- 1 eetlepel kremetart
- 1 eetlepel koeksoda
- sout
- Klits die volgende saam teen hoë spoed tot romerig en wit:
- 1 kg bakmargarien
- 3 koppies suiker
- Voeg by en meng deur:
- 1 blik kondensmelk
- 1 groot eetlepel stroop
- Voeg een-vir-een by en meng teen lae spoed na elke byvoeging:
- 4 eiers
Meng die droë bestandele met die kondensmelkmengsel en knie EFFENS tot ‘n sagte deeg.
Gebruik n “cookie press” of ‘n vleismeule om die koekies te vorm. Druk af met ‘n speseryblikkie om almal ewe groot te kry as jy die vleismeule gebruik.
Bak by 160°C Konveksie oond vir 7 min. Draai jou panne en bak ‘n verdere 7 min.
Koel effens op bakplate af en haal dan uit om op die bakdoek koud te word.
- Vulsel:
- Klits saam met Flexi Beater of K-Beater tot lig en wolkerig:
- 250 g sagte bakmargarien
- sout
- 1 teelepel vanilla
- Sif die volgende by en klits deeglik tot lig en bleek:
- 500 g versiersuiker
- Voeg die volgende by en klits lekker deur:
- 1 teelepel gliserien
- 1 eiergeel
Smeer die koekies kwistig met die vulsel en plak hulle twee-twee op mekaar.
Resep geplaas deur Frikkie Jones
Foto: Frikkie Jones
Category:
