KOFFIESOENTJIES

Koekies:
250 g (½ blok) sagte botter
187 ml (¾ koppie) versiersuiker, gesif
10 ml (2 teelepels) koffiepoeier
15 ml (1 eetlepel) kookwater
500 ml (2 koppies) koekmeel, gesif
Vulsel:
50 g (½ plak) donkersjokolade, gesmelt

Voorverhit die oond op 180 °C.
Room die botter en versiersuiker in ‘n mengbak tot liggeel van kleur.
Roer die koffiepoeier en kookwater saam en voeg dit by die bottermengsel in, klits goed deur.
Roer die koekmeel by die bottermengsel tot dit ‘n sagte deeg vorm.
Voer ‘n bakplaat met bakpapier uit.
Skep die deeg in ‘n spuitsak met ‘n meduim- grootte sterretjie spuitpunt.
Spuit sirkeltjies van ongeveer 2 cm op die bakplaat, nie te naby aan mekaar nie.
Bak die koekies in die voorafverhitte oond vir 10 tot 12 minute of tot effens ligbruin.
Laat die koekies op ‘n rakkie afkoel.
Plak twee koekies opmekaar met ‘n bietjie gesmelte sjokolade.

Foto 2: Corrie Venter
Ek het ‘n koekiedrukker gebruik.

Resep getoets en foto: Daleen Strydom