KOFFIEKOEKIES MET KOFFIE-BOTTERROOM VULSEL
Resep en foto’s: Louisa Hollenbach
- 700 ml (350 g) bruismeel
- 200 ml (150 g) strooisuiker
- 150g (¾ koppie) botter
- 2 eiers, geklits
- 30 ml (2 eetlepels) kitskoffie, opgelos in 30 ml (2 eetlepels) water
- 10 ml (2 teelepels) vanilla geursel
- Koffie-botterroom vulsel:
- 80 g sagte botter
- 375 ml (160 g) versiersuiker, gesif
- 15 ml (1 eetlepel) kitskoffie, opgelos in 15 ml (1 eetlepel) water
- Voorverhit die oond tot 180ºC. Spuit ‘n bakplaat met kleefwerende kossproei.
- Meng die meel en suiker en vryf die botter met jou vingerpunte in.
- Voeg die res van die bestanddele by en meng goed tot ‘n stywerige deeg vorm.
- Rol in okkernetgrootte balletjies. Sit op die bakplaat en druk effens plat.
- Bak vir ± 15 minute en laat afkoel op ‘n draadrak.
- Maak solank die koffie-botterroom.
- Room die botter en versiersuiker tot lig en romerig en meng die opgeloste kitskoffie by.
- Plak twee-twee koekies met die koffie-botterroom opmekaar sodra die koekies heeltemal afgekoel het.
- Verpak in ‘n lugdigte houer.
Category:
