KOFFIE CREMORATERT MET SJOKOLADE BOLAAG
My skoondogter het met hierdie resep van ‘n Ooievaarstee gekom. Dit is ‘n Cremoratert met ‘n twist, heeeerlik!
- Kors:
- 2 pakkies peppermint Romany Creams
- 200 g gesmelte botter
- Vulsel:
- 500 g Cremora
- 250 ml warm water
- 2 blikke kondensmelk
- 1 koppie suurlemoensap
- 45 ml koffielikeur
- Versiering:
- 200 ml room
- 5 ml kitskoffie
- 200 g neutsjokolade
Kors:
Verkrummel koekies, meng met botter en voer tertbak daarmee uit.
Vulsel:
Meng water en Cremora goed en klop totdat dit glad is. Verkoel.
Meng kondensmelk, suurlemoensap en likeur goed. Voeg dit by die koue Cremoramengsel en meng goed.
Skep dit in die tertbak bo-op die kors en laat verder afkoel in yskas.
Versiering:
Verhit room en kitskoffie. Voeg sjokolade by en laat dit smelt. Sodra dit afgekoel het, smeer oor die gestolde tert.
Resep en foto: Elsa Van Kradenburg Fourie
Category:
