KNOFFEL BROODROLLETJIES
Resep en foto: Elaine Steyn
Ons is vreeslik lief vir knoffel. Het bietjie rond gekrap op google vir knoffel rolletjie resepte en die een saamgestel van daar met een of twee van my eie twists.
- 1125 ml (4.5 koppies) koekmeel
- 1 pakkie kitsgis
- 330 ml louwarm water
- 1 eier geklits
- 80 ml (¾ koppie) olie
- 60 ml (¼ koppie) suiker
- 5 ml sout
- 125 g margarien
- 15 ml fyngekapte knoffel
- 5 ml droë pietersielie
- Meng droë bestanddele. Meng eier en olie met water. Voeg by droë bestanddele en knie vir sowat 10 tot 15 minute. Bedek met skoon afdroogdoek en plaas in ‘n warm plek om te rys vir sowat 30 minute tot dubbel in volume.
- Vorm in 12 gelyke stukke deeg. Rol in bolletjies en pak in gesmeerde pan.
- Bedek weer met doek en laat op warm plek rys vir nog so 30 minute. Smeer nou bietjie gesmelte bak margarien bo-op elke rolletjie.
- Bak vir 20 – 22 minute tot bruin by 180°C.
- Smelt intussen margarien. Voeg so eetlepel knoffel stukkies by en laat kook totdat knoffel effens begin verbruin. Verwyder van hitte.
- Sodra rolletjies uit oond kom, giet bo oor en laat intrek. Sit warm voor.
Category:
