KLEIN MIELIEBROODJIES
Al sederd 1992 in my besit, Joan Pienaar van Murraysburg het vir my gegee, ek weet nie hoe dit in 1 groot broodjie sal bak nie, ek bak dit in klein pannetjies.
- ⅓ koppie botter ongeveer
- 2 ¼ koppies koekmeel
- 4 teelepels bakpoeier
- ¼ teelepel sout
- 25 ml suiker
- 1 blikkie suiker mielies, ek het room soort gebruik
- ± 3 eetlepels melk
Smelt ‘n ⅓ koppie botter in ‘n Pyrex bak, of soos ek in enkel pannetjies, 2 teelepels botter in elke pannetjie gesmelt.
Meng bogenoemde alles saam.
Effe stywe deeg, maar nie te styf, skep die deeg in die voorbereide pannetjies of bak.
Ek het 6 pannetjies uitgekry of jy kan in groter muffin pannetjies bak.
Bak op 170º C vir ± 20 min tot gaar en bietjie bruin.
Heerlik saam braaivleis.
Resep en foto: Allta Gunter van Dyk
Category:
