KLAPPERPATATS
- 2 kg patats
- 8 eetlepels botter/margarien (ek het Stork gebruik)
- 2 koppies bruinsuiker (ek het wit suiker gebruik)
- 10 ml vanilla geursel
- 1 koppie koekmeel
- 1½ koppies klapper
- 1 eier
- melk, genoeg om die patats te bedek en gaar te kook
Was die patats goed af en sny patats in wiele (ek het myne nie geskil).
Kook patats in melk, 4 eetlepels botter, 1 koppies suiker en vanilla geursel.
Laat afkoel.
As koel, klits die eier saam die patats.
Skep in ‘n gespuite oondbak.
Smelt 4 eetlepels botter/margarien en meng die koekmeel, 1 koppie suiker en die klapper om ‘n krummel te vorm.
Stooi die klappermengsel oor die patats in die oondbak.
Bak op 180°C tot krummel gaar is (15 – 20 minute)
Nota:
Ons het hierdie dis as bykos geniet saam vanaand se braaivleis.
Resep en foto: Natania Malan
