KERRIE EIERS
Het die resep by my oorlede moeder gekry. Maak dit al jare en is altyd ‘n wenner.
- 1 ui opgesny
- 2 koppies melk
- 2 koppies water
- ½ teelepel matige kerrie
- 1 teelepel borrie
- sout na smaak
- 5 teelepels suiker
- ongeveer 9 teelepels koekmeel om te verdik gemeng met bietjie water
- 1 teelepel asyn
- 8 gekookte eiers (2 eiers per persoon)
Braai die ui in diep pan en voeg die melk en water by.
Laat amper kook anders gaan dit oorkook. Voeg by sout, kerrie en borrie gemeng met bietjie water en suiker by die melkmengsel. Meng die meel in bietjie water dat dit net net vloeibaar is en gooi bietjie vir bietjie by die melk mengsel totdat dit verdik. Kan nog meel aanmaak indien nog te loperig en byvoeg.
Voeg asyn by, roer slegs deur en moenie weer roer nie.
Haal van plaat af anders gaan dit vasbrand. Intussen het jy eiers gekook en gehalveer. Plaas die ge-halveerde eiers met eiergeel na onder bo-op die kerrie mengsel. Skep van die sous bo oor die eiers.
Bedien met kappokaartappels.
Nota:
Bedien 4 mense
Resep kan vermeerder of verminder afhangende van hoeveel mense wat bedien moet word.
Resep en foto: Una Barrett
