INGELEGDE BEET

Ek weet nie almal hou van ingemaakte beet nie, maar ek dink dit smaak baie lekkerder as die gekooptes. En as dit so warm is, is dit so maklik om uit die yskas te haal saam met aandete as ‘n slaai (veral met bietjie ui bygesny!). Die is ‘n vinnige en maklike resep-omtrent 1½ – 2 ure van begin tot einde. En as jy van soeter beet hou, kan jy dit aanpas deur die suiker meer te maak.

10 groot bete
500 ml wit asyn
300 ml suiker
15 ml sout

Kool beet met skil aan tot sag. Laat afkoel. Vryf skil met jou hande af, en rasper.
Kook asyn, suiker en sout saam vir 5 minute in ‘n pot, skep beet by die sous en kook nog 5 – 10 min.
Bottel warm in gesteriliseerde glasbottels.

Nota:
Die resep vul 4 groot bottels (soos ‘n Crosse and Blackwell mayonnaise bottel)

Resep en foto: Ilze Garbers Jacobs