HOENDERLEWERTJIES MET ROOM

1 bakkie (250 g) hoenderlewers
sout en pepper na smaak
1 middelslag uit fyn gekap
5 ml knoffel gekap
10 ml paprika
5 ml rooi pepper
125 ml room

Braai die uie in bietjie olyfolie tot sag. Sny die hoenderlewers in kleiner stukkies en voeg sout en pepper by na smaak. Voeg die hoenderlewertjies by en braai tot bruin.
Sit die knoffel, paprika en rooi pepper by en braai op matige hitte vir 5 minute.
Laastens voeg die room by en laat saggies prut vir 2 minute.
Bedien saam met vars brood of oor rys of pap.
Nota:
Die resep kan dubbel gemaak word ook. Hierdie is genoeg vir 1 persoon.

Foto: Ilona Turner
Resep: Ilona Turner