HEUNING EN MOSTERDHOENDER

6 hoender dytjies of boudjies
15 ml heuning
15 ml Dijon mosterd
15 ml mosterdsade of korrelmosterd
15 ml tamatiesous
10 ml olyfolie
2.5 ml borrie
2.5 ml rissiepoeier
sout en gemaalde swartpeper
paar dun suurlemoenskywe
1 knoffelhuisie
8 piekeluie, geskil

Verhit die oond tot 170°C.
Meng al die bestanddele behalwe die sout en peper.
Maak ligte insnydings in die hoenderstukke en voeg dit by die mengsel.
Werk goed deur sodat die stukke heeltemal bedek is. Laat marineer vir 1 uur.
Plaas die gemarineerde hoender in ‘n oondbak saam met die uitjies, knoffel en suurlemoenskywe.
Geur met sout en peper en plaas onbedek in die oond vir 1 uur tot goudbruin en gaar.

Resep en foto Johan Rossouw