HELEEN SE GEGEURDE WARM RYS

1 koppie rou rys
60 ml olie
1 ui
½ groen soetrissie
½ rooi soetrissie
2 tamaties, in blokkies gesny
5 ml Calistos Prego hoenderspeserye
5 ml Peppadew se “Piquant pepper and garlic Seasoning”
2.5 ml sout
2.5 ml grofgemaalde swartpeper
5 ml knoffelvlokkies
15 ml suiker
30 ml suurlemoensap
125 ml wit droëwyn
500 ml warmwater

Verhit die olie in ‘n pot tot baie warm.
Braai die uie, groen- en rooi soetrissies.
Voeg die rys by en braai tot rys deurskynend raak.
Voeg die tamaties, wyn, al die speserye, knoffelvlokkies, suiker, suurlemoensap en warm water by en prut op stadige hitte.
Indien dit droog kook en rys nog nie gaar is nie, voeg nog water, bietjie vir bietjie by.
Kook tot rys gaar is, gee ‘n goeie roer sodat alles lekker meng.
Dien op soos verkies.

Resep en foto: Heleen Brummer Nel