HEERLIKE BROODPOEDING

8 snye brood
appelkooskonfyt
4 eiers
500 ml melk
5 ml vanilla geursel
¼ koppie suiker
botter
kaneel
Opsioneel:
klapper
rosyne

Smeer al die brood lekker dik met appelkooskonfyt.
Pak gesmeerde brood in ‘n oondvaste bak wat gespuit is (spray en cook).
Skei die eiers.
Meng die melk, eiergele, vanilla en suiker.
Gooi die melkmengsel oor die brood.
Sit klontjies botter oral op die brood en melkmengsel.
Klits eierwitte styf en smeer oor die brood, sprinkel kaneel oor.
Bak 180°C vir 35 minute.

Nota:
Kan ook klapper en rosyne byvoeg vir ekstra lekkerte: strooi klapper en rosyne tussen elke laag brood voor jy die eierwitte opsit.

Resep en foto: Natacha Visagie