HAWERMOUT EN ROSYNTJIE KLEINKOEKIES

230 g botter (ek gebruik Gordon Bleu)
200 g bruin suiker
100 g wit suiker
250 g koekmeel
1 teelepel kaneel
½ teelepel sout
1 teelepel koeksoda
2 eiers
2 teelepels vanilla geursel
300 g rosyne
300 g hawermout

Room botter, bruin suiker en wit suiker saam.
Meng die koekmeel, kaneel, sout en koeksoda saam en meng by bottermengsel in.
Klits eiers en vanilla geursel saam en voeg by bottermengsel.
Voeg rosyne en hawermout by en meng deur met die hand.
Laat die mengsel oornag in die yskas rus.
Rol balletjies en druk met hand plat op liggies meelbestrooide tafel.
Plaas half sentimeter uitmekaar op bakpapier en bak vir ongeveer 6 minute by 170ºC.
Die koekie moet nog ‘n duikie maak as jy dit liggies druk.
Haal uit en laat afkoel op ‘n rakkie – die koekies raak stewig en harder buite die oond.

Foto en resep: Juliana Schoeman