GUNSTELING SEMELBESKUIT
- 1 kg bruismeel
- 3 ml sout
- 5 ml gemengde speserye
- 30 ml anyssaad
- 6 x 250 ml semels (wheat bran)
- 500 ml suiker
- 500 g bak margarien, gesmelt
- 2 x 500 ml karringmelk
Voorverhit die oond tot 180ºC.
Bespuit ‘n diep oondpan met kleefwerende kossproei en voer die bodem uit met bakpapier.
Sif die bruismeel, sout en gemengde speserye saam.
Roer die anys, suiker en semels by.
Klits die margarien en karringmelk saam en voeg by die droë bestanddele.
Plaas die deeg in die voorbereide oondpan, maak gelyk en bak vir 70 tot 80 min lank.
Toets met toetspen.
Laat afkoel in die pan. Keer uit en sny die beskuit in vingers.
Droog uit in ‘n koel oond van 70 – 100ºC.
Resep en foto: Amanda Austen
Category:
