GROENTE- EN KAAS MUFFINS

2 eiers
150 ml murgpampoentjies, in blokkies gesny
150 ml rooi bone / red beans (blikkie)
150 ml roommielies (blikkie)
1 tamatie, in blokkies gesny
3 ml sout
3 ml peper
5 ml fyn knoffel
5 ml droë kruie
250 ml gerasperde cheddar kaas
250 ml melk
500 ml koekmeel
10 ml bakpoeier
30 ml gesmelte botter

Verhit die oond tot 180ºC. Bespuit ‘n muffin pan met kleefwerende kossproei.
Klits die eiers. Voeg die murgpampoentjies, bone, roommielies, tamatie, sout, peper, knoffel, kruie, kaas en melk by en meng.
Sif die koekmeel by en meng deur. Voeg die gesmelte botter by en meng deur.
Voeg laaste die bakpoeier by en meng deur.
Verdeel die mengsel in die muffin pan, dat elk so driekwart vol is.
Bak 30 min lank of tot toetspen skoon uitkom.
Bedien met konfyt en kaas, of dit kan net so geëet ook word.

Resep en foto: Amanda Austen