GRIEKSE MELKPASTEI
- Vulsel:
- 1,250 ml melk
- 4 eiers
- 160 ml Maizena (Mielieblom)
- 150 ml suiker
- 10 ml vanilla
- 10 ml botter
- 1 x 500 g filodeeg
- 100 ml of meer botter, gesmelt
- Stroop:
- 180 ml suiker
- 180 ml water
- 5 ml suurlemoensap
- 2 naeltjies
- stukkie heel pypkaneel
Verhit oond tot 170 ºC.
Maak die vulsel soos volg:
Klits melk, eiers, mielieblom, suiker, geursel, lemoenskil en botter in ‘n kastrol.
Verhit tot kookpunt terwyl aanhoudend geroer word. Haal van hitte af en laat afkoel.
Metode 1: Sien foto.
Smeer ‘n groot, langwerpige oondvaste bak met botter.
Sny helfte van die deeg in lang stroke, verf elke vel deeg met botter, skep van die melkpap op die strook, vou die kante toe oor die pap en rol op soos klein rolletjies. Plaas onder in die bottergesmeerde oondbak.
Bak sowat 45 minute tot goudbruin.
OF metode 2: Hoof foto.
Verf elke vel deeg met botter en plaas helfte van deeg onder in bak. Laat oortollige deeg oor kante van bak hang.
Skep vulsel in, vou die deeg wat oor die kante hang oor die vulsel na binne.
Plaas res van die gesmeerde velle een vir een bo-op vulsel.
Onthou om elke vel eers met gesmelte botter te verf.
Laat ‘n 5 cm rand en knip orige deeg af. Vou randjie netjies na binne. Sny bokant versigtig met ‘n skerp mes diagonaal in een en dan in ander rigting deur drie velle deeg om ‘n diamantpatroon te vorm.
Bak sowat 45 minute tot goudbruin.
Maak intussen die stroop:
Meng alle bestanddele en laat kook sowat 15 minute tot dit effens dikker word. Laat afkoel, verwyder naeltjies en pypkaneel en giet oor warm pastei sodra dit uit die oond kom.
Laat staan vyf ure om deur te trek.
Foto en resep geplaas deur: Judy Bester
