GEVULDE SKORSIES

‘n Vinnige 2-in-een-bykos… geroomde spinasie gevulde skorsies! Heerlik saam met enige vleis-varksteak vir ons vanaand.

Geroomde spinasie gevulde skorsies:
20 ml olyfolie en 50 g botter
½ gekapte ui
200 g sampioene, gesny
1 pak gekapte spinasie
1 vars knoffelhuisie, gekap
1 g roomkaas
3 skorsies, gehalveer en pitte verwyder
sout/Aromat en peper na smaak
115 g gerasperde Cheddar kaas

Kook halwe skorsies in kookwater (so 20 minute) tot sag.
Verwyder pitte.
Braai ui in olie en botter tot sag.
Voeg sampioene by en braai 5 minute.
Voeg spinasie by en braai tot verwelk.
Roer roomkaas en knoffel deur.
Skep in skorsies (gesprinkel met sout/Aromat en peper).
Sprinkel kaas bo-oor en bak teen 180º C vir 15 – 20 minute.

Resep en foto: Ilze Garbers Jacobs