GEMARINEERDE GROENTE

Maak ‘n 2 liter houer vol gesnyde groente van jou keuse of soos volg:
murgpampoentjies
wortels
broccoli
blomkool
songedroogte tamaties, opsioneel
groenbone, soetrissie of pitmielies, opsioneel
Marinade:
1 koppie suiker
1 koppie asyn
1 koppie olie
1 teelepel paprika
1 teelepel hoogvol droë gemengde kruie
1 teelepel sout
knoffel, opsioneel en na smaak
Feta, opsioneel
olywe, opsioneel

Meng die olie, suiker, asyn, paprika, kruie, knoffel en tamatie in ‘n kastrol en verhit.
Sny die groente in happie grootte en blansjeer vir 2 minute (groente moet nog kraak).
Plaas geblansjeerde groente in ‘n bak met ‘n deksel en giet die warm marinademengsel bo-oor.
Meng goed en laat afkoel buite die yskas.
Voeg feta en olywe by (opsioneel) net voor opdiening.

Resep en foto: Susan Wessels