FANIE SE SEMEL-MEEL BESKUIT

Hierdie resep is vir 1 beskuitpan met drukker grootte 500 mm x 350 mm x 20 mm.
Ek meng 4 verskillende variasie gelyk en bak gelyk, want my oond het die spasie, maar geniet die resep net soos dit jou pas.

1. Sif en meng droë bestanddele saam:
1 kg bruismeel
2¾ teelepel bakpoeier
1 teelepel sout
1 koppie koekmeel
Voeg by:
1½ koppie semels
25 ml lynsaad
25 ml sesame
½ koppie sonneblomsaad, grof gekap (70 g)
¾ koppie klapper
Opsie 1: + ¼ koppie pekaneute (30 g)
Opsie 2: + ⅓ koppie Bosbessies (cranberries) (40 g) ipv pekaneute
Opsie 3: + ¼ koppie grofgekapte pampoensade
Meng alle droë bestanddele (1) met ‘n balklitser stadig. Vryf in met:
400 g sagte goeie bak margarien
2. Meng saam:
2 koppies karringmelk of volroom maas (ek gebruik volroom maas)
½ koppie kookolie
2 eiers
1½ koppie suiker
50 ml melk

Maak holte in middel van droëmengsel 1 en giet mengsel 2 in die holte.
Meng alles liggies met groot 3-tand vurk.
Skep in beskuitpan en druk lossies met vurk om pan te vul.
Bak in konveksieoond op 155ºC vir 40 minute.
Pak op oondrakke en droog:
Ek het 4 panne beskuit gelyk in oond gedroog op 75°C met deur effens oop. Het die “switch” ge “jippo” en na 4 ure was beskuit droog.
Volgende 4 panne gedroog op 75°C met toe deur. Na 2 ure was alles perfek gedroog.

Nota:
Getoets. U kan die resep net so gebruik.

Resep en fotos: Fanie Smit