EIERVRUG EN TAMATIE STAPEL

Lekker maklike bygereg!

eiervrug, dik skywe gesny
tamatie, dik skywe gesny
olyfolie
Maldon sout na smaak
Mozzarella skywe
basiliekruid, opsioneel

Bak dikkerige snye eiervrug in die oond, met net olyfolie oorgesmeer en ‘n bietjie Maldon-sout.
Sny rooiryp tamaties in dieselfde dik snye.
Pak opmekaar soos op foto, met ‘n goeie kwaliteit Mozzarella kaasskyf tussen-in en bo-op.

Hou in lou-oond terwyl jy ander kos kook, sodat die mozzarella smelt en die tamatieskywe warm word.
Die voorafgesnyde Parmalat-mozzarella-snye werk ook goed en is effens gegeur.
Onthou om jou tamaties en die mozzarella liggies te geur met Maldon en peper.
Jy kan ook ‘n bietjie droë basiliekruid op elke tamatieskyf strooi.

M.a.w. jy gebruik 2 dik snye gebakte eiervrug en 2 dik snye tamatie per porsie, met twee snytjies mozzarella – een binne-in en een bo-op.

Resep en foto: Zuri Roos