EENSKOTTEL HOENDERGEREG
Plaas ‘n laag rou Basmati rys onder in die bak. (groot pan)
Pak die hoender porsies op die rys – ongeveer 12 stukke dye en boudjies.
- Sit die volgende tussen die hoender:
- 1 botterskorsie, in skywe
- aartappels, in blokkies
- gekapte uie
- rooi en groen soetrissie, gesny
- sampioene, gekerf
- geelwortels, geskil en in blokkies gesny
- Maak ‘n sous van die volgende:
- 2 liter water
- 8 eetlepels mayonnaise
- 4 eetlepels blatjang
- 2 pakkies hoendersoppoeier
- hoenderspeserye
- bietjie fyn naeltjies
Meng die sous bestanddele saam en giet oor die hoender en groente.
Maak bak toe met foelie en bak by 180°C vir om en by 1 ½ uur.
Haal foelie af en bak ‘n verdere 10 minute tot bruin.
Resep en foto: Petré van Jaarsveld
