COUSCOUS-SLAAI

2 koppies couscous
groenteaftreksel gemeng met 2 koppies kookwater
1 ui, gekap
1 groen, rooi en geel soetrissies, in blokkies gesny
500 g botterskorsie, in blokkies gesny
4 eetlepel botter
10 ml droë basiliekruid of Italiaanse kruie
2 wieletjies Fetakaas in blokkies gesny
sout en peper na smaak
250 g gebraaide spek, opsioneel

Giet kookwater oor couscous, maak dig toe en laat staan tot die couscous reg is.
Braai botterskorsie in botter tot sag.
Voeg uie, groen-, rooi- en geel soetrissies en kruie by en braai tot sag.
Laat alles heeltemal afkoel.
Meng Fetakaas by.
Voeg sout en peper na smaak by.
Meng alles saam met die couscous.
Bedien soos verkies.
Heerlik saam met braaivleis.

Resep en foto: Rianca Kruis