CIABATTA BROOD

Resep en foto: Keith Trueman
“Hi almal. Ciabatta brood gebak baie lekker gewees.

• 500 g witbroodmeel (2 koppies is nie 500 g nie, weeg eerder)
• 1 eetlepel suiker
• 2 teelepels sout
• 1 pakkie kitsgis (pers een gebruik)
• 500 ml louwater
• Meng kitsgis met louwater.
• Plaas al die ander droë bestanddele in mengerbak.
• Meng watermengsel en droë bestanddele met elektriese menger vir 10 minute (volspoed).
• Plaas mengbak op warm plek vir een uur, bedek met nat vadoek.
• Skep versigtig uit op ‘n bakplaat wat met meel bestrooi is.
• Vorm die deeg liggies met die hand, maar moenie te veel vorm nie.
• Bak teen 200 °C vir 20 minute.
• Variasie:
• Indien jy olywe en rissie wil byvoeg, na die 10 min meng, keer uit op houtbord en deel in twee.
  Plaas die een helfte op ‘n meelbestrooide bakplaat.
• Die ander helfte voeg jy olywe en rissies by en meng weer in menger vir 2 minute. Keer uit op dieselfde pan waarop die ander helfte is.
• Volg die res van die resep soos bo.