CHEESE STRATA
Heerlike ontbyt gereg wat die vorige aand berei, en dan net die volgende oggend gebak word. Die gereg kan ook maklik verdubbel word.
- 8 snye witbrood, korsies afgesny
- 250 gr gerasperde cheddar kaas (2 ½ koppies)
- 4 eiers, effens geklits
- 625 ml melk (2 ½ koppies)
- 5 ml sout
- ¼ teelepel mosterdpoeier
Smeer brood aan albei kante.
Sny elke sny op die skuinste deur (twee driehoekies).
Sit brood en kaas lagie vir lagie in ‘n diep bak met die punt van die driehoekie na bo, maw almal in dieselfde rigting, eindig met kaaslaag.
Meng res van bestanddele en giet versigtig bo-oor.
Maak toe met kleefplastiek en verkoel oornag of vir ten minste 6 ure.
Plaas die bak met die gereg in ‘n oondpan met water.
Bak in die waterbad vir 1 uur teen 160° C.
Foto en resep: Tosca de Villiers
Category:
