CHARLEEN SE SKAAPKERRIE

1 kg skaapvleis, gesny in blokkies
1 ui, gekap
3 eetlepels Rajah kerriepoeier
1 eetlepel Garam masala
1 eetlepel chilli poeier
½ teelepel Jeera sade
2 eetlepels borrie
1 eetlepel flavour seeds (mengsel van koljander, mosterd en komyn (cumin) sade)
1 teelepel sout
1 teelepel vars knoffel, gekerf
½ teelepel vars gemmer, gekerf
ghee of olie
1 eetlepel tamatiepasta
1 blik heel tamaties
kerrie blare
koljander blare

Braai uie in ghee of olie. Sit die vleis by en braai tot bruin.
Plaas al die spesery poeiers en knoffel by. Roer goed deur en braai vir so 5 minute.
Voeg so eetlepel tamatiepasta en blik heel tamaties by.
Breek die heel tamaties op.
Giet ‘n beker kookwater by en roer deur.
Laat prut tot vleis begin versag.
Voeg groente soos aartappel, wortels of van jou keuse by en prut tot groente gaar is.
Geniet met geelrys of in ‘n bunnychow.

Resep en foto: Charleen Nieuwenhuizen