BULGUR KORINGSLAAI

My sus het onlangs hierdie “Bulgar Wheat” slaai bedien. Sy het die resep soos volg vir my gestuur:

Bulgur koring
roketblare
1 blik pitmielies, gedreineer (410 g)
1 blik swart bone, gedreineer (410 g)
seldery, fyn gesny
klein wortel stokkies
fyngekapte ui
vars koriander
Voor bediening:
kersie tamaties
Feta kaas
slaaisous

Berei jou Bulgur koring voor soos op die pakkie aangedui.
Voer ‘n mooi slaaibak uit met roketblare.
Meng al die groente en die blikkies mielies en -bone saam.
Voeg sout en swart peper by na smaak.
Roer die slaai liggies deur en skep op die roketblare.
Voeg laaste kersie tamaties wat in die helfte gesny is, by.
Krummel Feta kaas oor die mengsel.
Sprinkel slaaisous van jou keuse oor.

Nota:
Sy het ‘n pomegrade slaaisous van ‘n bekende maak gebruik.
Indien jy die slaai klammer wil hê kan jy olyfolie bo-oor gooi.

Resep: Jakkie Fourie
Geplaas deur en foto: Liesie Nel