BROODPOEDING

paar snye brood (8 – 10 ongeveer)
handvol rosyne
1 eetlepel botter
1½ koppie melk
kaneel na smaak
1 eetlepel suiker
1 eetlepel appelkooskonfyt
heuning
neute, opsioneel

Neem ‘n paar snye brood en sny/breek in stukkies en pak in ‘n gesmeerde glasbak. Voeg ‘n halwe hand pitlose rosyne daaroor.
Smelt ‘n die botter in die melk in ‘n pot op die stoof en geur met genoeg kaneel.
Voeg die suiker by en laat die geure lekker trou oor lae hitte.
Jy kan ook die appelkooskonfyt daarin smelt of jy kan die appelkooskonfyt oor sit soos met sagopoeding.
Giet die sous oor die brood en laat dit lekker intrek.
Drizzle ‘n klein bietjie heuning oor die mengsel en ook neute dien verkies.
Bak in die oond teen 180°C vir 40 minute of tot lekker bruin en gestol.
Bedien met tuisgemaakte vla en rond af met ‘n kruisement blaartjie.

Resep en Foto: Michael Coetzee