BRAAIVLEIS BROODJIE VAN MIELIEMEEL

500 ml fyn gerasperde wortels
425 ml kookwater
30 ml olie
15 ml heuning
500 ml mieliemeel
2 ml rooipeper
5 ml sout
4 ekstra groot eiers, geskei

Voorverhit die oond tot 180ºC en voer twee broodpannetjies se bodem met bakpapier uit.
Smeer of spuit die pannetjies.
Meng die wortel, kookwater, olie en heuning saam.
Sif die mieliemeel, peper en sout saam en voeg by die wortelmengsel.
Klits die eiergele en voeg by die mengsel.
Klits die eierwitte tot stywepuntstadium en vou dit liggies in by die mengsel.
Skep die broodmengsel in pannetjies en bak vir 45 – 50 minute.

Nota:
Willemien het die heuning met ‘n ¾ koppie bruinsuiker vervang – dit sal die broodjie effens soeter maak.

Resep geplaas deur Johnny Steyn
Foto: Willemien Pretorius