BLOU OREO ROOMYS

5 ml blou koekkleursel
15 ml vanilla geursel
1 blikkie kondensmelk
500 ml room
1 pakkie sjokolade Oreo koekies

Breek pak Oreo koekies op in stukke en hou eenkant.
In ‘n glasbak of voedselverwerker, klop room, koekkleursel en vanilla geursel saam tot stywe punte vorm.
Voeg kondensmelk by roommengsel en meng goed tot die mengsel egalig gekleurd lyk.
Vou dan gebreekte koekies in die mengsel in en skep oor in ‘n 2 liter plastiek- of roomys bak. Strooi so 4 gebreekte koekies bo-oor die mengsel en maak toe.
Stoor in vrieskas vir minstens 5 ure.
Laat staan vir so 15 minute buite vrieskas voor bediening.

Resep en foto: Chantàl Theron