BEESVLEIS “CHOW MEIN”
Resep en foto: Margaré Phillips
Beef chow mein.
- 300 g eierpasta (egg noodles)
- 400 g steak
- 20 ml mielieblom
- 20 ml soyasous
- 2.5 ml sout
- 2.5 ml wit peper
- 60 ml kookolie
- 30 ml gekapte knoffel
- 4 sprietuie, wit gedeelte opgesny
- 800 g roerbraai mengsel (murgpampoentjies, sampioene, wit en pers kool, wortels, groen boontjies en rooi soetrissie)
- Chow meinsous:
- 80 ml soyasous
- 40 ml oestersous
- 30 ml hoisinsous
- 60 ml bruinsuiker
- 30 ml sesame olie
- Meng die mielieblom, soyasous, witpeper en sout in ‘n mengbak en meng.
- Voeg die vleis by, roer goed deur en laat dit staan om te marineer.
- Meng die chow meinsous bestanddele en roer goed. Roer totdat suiker opgelos is, hou eenkant.
- Maak die eierpasta gaar in kook water met bietjie sout.
- Dreineer sodra die gaar is.
- Spoel met koue water af, hou eenkant. (As jy jou noedels gaar maak in die mikrogolf met kook water vat dit so 7 – 10 minute.)
- Voeg 50 ml olie in ‘n pan, braai salotte en knoffel vir ongeveer 2 minute, voeg die roerbraai groentemengsel by, braai verder vir nog 8 minute.
- Skep die groente uit en hou eenkant.
- Voeg 10 ml olie in dieselfde pan, braai die vleis tot net gaar ongeveer 2 min.
- Voeg die roerbraaigroente, noedels en chow meinsous by die vleis.
- Roer goed, braai vir nog so 2 min.
- Bedien
Category:
