BEESSTERTPOTJIE MET GROENTE

30 ml olyfolie
2 groot uie, gekap
30 ml fyn knoffel
1.7 kg beesstert
sout en peper, na smaak
Aromat na smaak
30 ml Worcestersous
2 beesstert aftrekselblokkies, aangemaak met 1.5 liter water
150 ml droë rooiwyn
baba mielies, baba aartappels en klein worteltjies, na smaak
125 ml room
25 ml melk
15 ml sampioen soppoeier, met die melk aangemaak

Braai uie in olyfolie tot sag. Voeg beesstert by en braai bruin. Voeg knoffel en beesstertaftreksel by en prut stadig.
Voeg die wyn, sout, peper, aromat en Woestesous by. Prut ongeveer 3 ure tot vleis sag is.
Voeg water by indien nodig dat daar altyd ‘n sousie is.
Sodra die vleis sag is, voeg die groente asook die room by. Kook totdat die groente sag is, voeg die soppoeiermengsel by. Laat nog 5 min prut om te verdik.
Dien op saam met rys.

Resep en foto: Amanda Austen