BAIE VINNIGE BROODROLLETJIES
Indien die craving vir hamburgers jou oorval, maar jy is op lockdown en kan/wil nie winkel toe gaan nie (soos hier in NZ en SA), is die net die resep vir jou. Regte (met gis) brood rolletjies – 30 minute van begin tot KLAAR GEBAK. Almal in die huis was baie beindruk… ekself die meeste, want ek is meer ‘n kosmaker; nie ‘n bakker nie! Maar die resep kan enigiemand maak – verseker! Hulle is bietjie swaarder as winkel buns, so een per porsie is meer as genoeg.
- 250 ml warm (omtrent 42°C) water
- 2 eetlepels aktiewe droë gis
- 65 ml suiker
- 80 ml olie
- 1 eier
- 1 teelepel sout
- 3 – 3½ koppies koekmeel (gewone meel, nie broodmeel)
Meng water met gis in ‘n mengbak. Voeg suiker en olie by en laat 5 minute staan.
Roer nou die eier by, en voeg meel by totdat ‘n sagte deeg vorm.
Gooi bietjie ekstra meel oor werksoppervlak en knie 3 – 5 minute tot elasties (as jy jou vinger in die deeg druk, bly jou vingermerk agter).
Verdeel dadelik in 6 (vir hamburgers) of 12 (vir dinner rolls), en plaas op ‘n bakplaat, uitgevoer met bakpapier.
Bedek met ‘n vadoek en laat 10 minute staan.
Bak dadelik by 210°C vir 10 – 12 minute tot goudbruin.
Resep en foto’s: Ilze Garbers Jacobs
