Your Recipe Blog

APPEL- EN NEUTMUFFINS

Avatar photo
Recipe by
Cook: 25 min | Servings: 6 groot of 12 klein muffins

APPEL- EN NEUTMUFFINS

Ek het vanmiddag hierdie heerlike muffins gebak, en ek kan dit regtig aanbeveel, dankie Frans van Rensburg vir die heerlike resep.
  • 1 ¾ koppie koekmeel
  • ¾ teelepel koeksoda
  • ¼ teelepel sout
  • ¼ teelepel fyn kaneel
  • ¾ koppie suiker
  • 2 eiers
  • ½ koppie kookolie
  • 1 teelepel vanilla geursel
  • ½ koppie gekapte neute
  • 1 ½ koppie gerasperde appel (ongeveer 2 appels)
  • 10 ml suurlemoensap
Sif die koekmeel, koeksoda, sout en kaneel saam in ‘n mengbak. Roer die suiker by.
Maak ‘n holte in die middel van die droë bestanddele.
Rasper die appel sonder skil en meng met die suurlemoensap, hou eenkant.
Klits die eiers, olie en vanilla saam, en meng in die droë bestanddele in.
Dit lyk na ‘n droë mengsel, maar sodra die appels bykom, is hy perfek.
Meng die appels en neute by die beslag in, en meng net tot die deeg lekker klam is.
Skep in ‘n 6 gatjie gespuite muffinpan.
Bak by 160 ºC in ‘n waaier oond vir ongeveer 25 min of totdat dit gaar toets.

Heerlike klam muffins.

Notas:
Rhonel Serfontein Steele
Hierdie is heerlik. Ek vervang partykeer die helfte van die meel met bruinmeel. Soms sit ek piesang in ander kere appel en rosyne, soms choc chips en soms blue berries. Gebruik ook bruinsuiker. Die resep is bobaas en het baie opsies en is altyd lekker. Ooh ja en baie gemengde saadjies bo-op.
Lynette Puren
Kan ook bietjie lemoenskil by rasper; gaan baie lekker saam met die cranberry, net nie die wit gedeelte van die skil nie.

Resep: Frans van Rensburg
Foto: Rina Kleinhans
Category:

Leave a Review

Your email address will not be published. Required fields are marked *

*

1 2 3 4 5