ANNA SE PYNAPPEL YSKASTERT MET VARIASIE
- 1 blikkie Ideal Melk, oornag in yskas gelos
- 1 blik pynappel “crush”, gedreineer en stroop gehou
- 1 pakkie pynappel jellie
- 1 pak Tennis beskuitjies
Verhit die pynappelstroop tot kookpunt. Voeg die pynappel jellie poeier daarby. Roer tot opgelos. Laat afkoel tot baie dik, maar nie gestol nie.
Klop die Ideal Melk tot baie dik. Dit sal 3 of 4 keer verdubbel in hoeveelheid. Voeg die ‘jelliestroop’ by en meng baie goed. Voeg die pynappel “crush” by en roer goed deur.
In ‘n diep tertbak pak ‘n lagie beskuitjies, lagie mengsel. Herhaal en eindig met mengsel. Krummel beskuitjies bo-oor.
Plaas oornag in yskas.
Wenk:
Jy kan die pynappel “crush” met 2 blikkies granadilla pulp vervang. Vervang pynapwll jellie met granadilla jellie en maak met 1 koppie kookwater aan. Gebruik nog ‘n blikkie granadilla pulp vir bo-oor in plaas van beskuitjies krummels.
Raspberry jellie en gesnipperde koejawels werk net so lekker.
Resep verskaf en foto: Wayne Dugmore (ma Anna se resep)
