AMARULA DRIEHOEK KAASKOEK
- 1/2 koppie strooisuiker
- 200 g sagte botter
- 2 koppies roomkaas
- 18 tennisbeskuitjies
- 150 ml Amarula
Klits botter en suiker tot romerig, roer roomkaas met ‘n lepel by en helfde van die 150 ml amarula.
Sny ‘n groot stuk foelie en plaas op ‘n houtbord.
Plaas 9 beskuitjies op die foelie (3 x 3).
Die beskuitjies moet dig teen mekaar lê.
Smeer die helfte van die mengsel oor die beskuitjies.
Moenie die beskuitjies skuif nie.
Plaas weer 9 beskuitjies bo op, in dieselfde orde as voorheen en smeer die res van die mengsel bo-op.
Plaas kersies en sjokolade in ‘n ry in die middel van die koek en trek dan die buiterande van die foelie na bo om ‘n driehoek te vorm.
Vou nou die driehoekige vorm toe met foelie en plaas in vrieskas oornag totdat koek hard en gevries is.
Verwyder foelie, plaas op bedieningsbord
Versier met gesmelte sjokolade gemeng met die laaste van die 150 ml amarula, bedrup bo-op die kaaskoek soos verkies.
Resep en foto: Louiza Cornelius Wagner
