ADAM SE CHAKALAKA AARTAPPELS
Resep geplaas deur Adam Cloete
Foto: Adam Cloete
- 5 groot aartappels
- 1 groot ui, in ringe gesny
- 1 blikkie Chakalaka, sterkte van jou keuse
- 1 pakkie potato bake, geur van jou keuse
- 1 geklitste eier
- ½ koppie water of melk
- Skil die aartappels en kook tot gaar maar nog baie styf. Sny dit in skywe en hou eenkant.
- Braai die uieringe in bietjie olie tot dit begin karameliseer.
- Rangskik die aartappelskywe in ‘n oondbak en strooi die uie daaroor.
- Meng die potato bake met die chakalaka en voeg die water of melk daarby om dit te verdun.
- Meng die geklitste eier by die chakalaka in.
- Giet oor die aartappels en bak in die oond vir ongeveer 20 minute by 180ºC tot dit gestol het.
