AARTAPPEL EN UIE HASH BROWNS

As ek dit kan maak kan enige een dit maak. 🙂

1 medium ui
2 medium aartappels
2 groot eetlepels koekmeel
botter, vir braai in pan
sout
varsgemaalde swart peper
Aromat

Rasper die ui en die aartappels. Sit in “reusable paper towel” en druk al die water uit. Meng die koekmeel in (om te bind). Meng alles deurmekaar.

Maak nou genoeg regte egte botter in ‘n pan warm (moet nie brand nie). Maak bolletjies met aartappel, uie en meel mengsel. Sodra dit begin bruin word aan die een kant druk dit plat met ‘n eierspaan. Strooi sout, swart peper en Aromat na smaak oor. Draai om.
Braai staaaadig in die botter tot krakerig aan die buitekant en lekker sag in die middel. Geniet!

Nota:
Ek gaan dit bedien saam met varktjoppies met Dijon mosterd en brussel sprouts.

Resep en foto: Marina Hiscock