3 LAAG KLAM VANILLAKOEK

Klam Vanillakoek vir vandag – versier met frambose, gekapte neute en gekapte groenvye.

2 koppies koekmeel
2 koppies bruismeel
15 ml bakpoeier
5 ml sout
375 ml suiker
¾ koppie olie
4 eiers
10 ml vanilla geursel
500 ml karringmelk
¾ koppie melk
10 ml koeksoda
12.5 ml asyn

Sif meel, bakpoeier en sout saam en hou eenkant.
In ander mengbak klits suiker, eiers, olie en vanilla tot goed gemeng.
Voeg karringmelk by en meng.
Klits meelmengsel en eiermengsel saam en voeg melk by tot gladde beslag.
Heel laaste meng asyn en koeksoda by, moenie klits nie, meng net deur met ‘n lepel.
Skep in 3 voorbereide panne. (20 – 22 cm panne)
Bak 30 – 40 min by 180°C of tot toetspen skoon uitkom.
Keer uit op ‘n afkoelrakkie.
Laat koek heeltemal afkoel en versier na smaak.

Resep en foto: Petré van Jaarsveld