MALVALEKKERTERT (MET PIENK STERI STUMPI)

Resep en foto: Amanda Austen

1 pakkie tennisbeskuitjies,fyn gedruk
100 g botter, gesmelt
1 blik kondensmelk
250 ml pienk steri stumpie (aarbeigeur)
250 ml vars room, styf geklits
200 g malvalekkers
125 ml kookwater
5ml vanilla geursel
Meng die fyn beskuitjies met gesmelte botter. Druk in ‘n tertbord vas. Plaas in die yskas om te stol (20 – 30 minute).
Plaas malvalekkers en kookwater in ‘n bak. Versnipper ‘n paar lekkers en hou eenkant vir versiering.Verhit liggies (mikrogolf of stoof) en roer tot heeltemal gesmelt en glad.
Voeg die kondensmelk en steri stumpie by die gesmelte malvalekkers. Meng goed. Laat effens afkoel.
Vou die styfgeklopte room in. Skep die mengsel oor kors, plaas in die yskas om te stol (verkieslik oornag).
Versier met malvalekkers of room (of beide).