GEBAKTE APPELTERTJIES IN MUFFINPANNETJIES

Resep en foto: Lorraine Wietz Brand

250 ml suiker
120 ml klapper
37,5 ml margarien
3 groot eiers
250 ml bruismeel
2 ml bakpoeier
knippie sout
60 ml melk
1 blik (385 g) tertappels
Voorverhit oond tot 180° C.
Smeer ‘n oondvaste bak van ongeveer 1,3 liter volume of gebruik Spray and Cook.
Verroom suiker en margarien tot lig en romerig.
Voeg eiers een vir een by en klits goed.
Sif die droë bestanddele saam en meng geleidelik met die melk by die margarienmengsel.
Verdeel en skep in gesmeerde (dieperige) muffinpannetjies.
Ek het ‘n lekker diep muffin pannetjie en het 6 uitgekry.
Plaas tertappels in elke holte in die deeg.
Bak 20 – 25 minute lank tot muffins gaar is.
As dit afgekoel het, haal muffins uit en plaas in afsonderlike bakkies.
Sous:
1 blik Idealmelk
200 ml bruinsuiker
1 teelepel vanilla geursel
2 eetlepels botter
Verhit die sous totdat die suiker gesmelt is en skep versigtig oor die muffins.