TUNA EN SPAGETTI TERT

Resep aanpassings en foto: Rina Kleinhans

2 blikkie “chunks” tuna in water, gooi water af
1 redelike groot ui, fyn gekap
250 – 300 ml gaar spaghetti, fyner gesny (kan ook rys gebruik)
125 ml melk
185 ml mayonnaise
65 ml seekos slaaisous
3 eiers
2 – 3 songedroogte tamaties, fyn gekap
1 eetlepel koekmeel
knippie rooipeper
knippie visspeserye
sout en swart peper, na smaak
250 ml gerasperde kaas
2 – 3 takkies vars gekapte pietersielie
Voorverhit die oond tot 180 ºC.
Braai die uie tot deurskynend, meng die spaghetti en tuna daarby.
Strooi die meel oor die mengsel en meng goed.
Meng die res van die bestanddele buiten die kaas en die pietersielie by die tunamengsel in.
Skep mengsel in die voorbereide pan of tert bak.
Sprinkel kaas en pietersielie oor en bak vir ongeveer 20 – 30 min tot gestol en goud bruin.