VERSKILLENDE SOORTE KORSDEEG

Oliekors:
500 ml (2 koppies) koekmeel
10 ml (2 teelepels) bakpoeier
5 ml (1 teelepel) sout
80 ml (⅓ koppie) olie
180 ml (¾ koppie) melk of water

Sif die meel, bakpoeier en sout saam.

Meng die olie en melk en sny met ‘n mes in die droë bestanddele in.

Verdeel die deeg in 2 stukke en verkoel minstens 2 uur lank in die yskas.

Rol die deeg tussen 2 velle bakpapier uit en gebruik soos benodig.
Gebruik die kors rou onder jou vulsel en bak saam met die vulsel teen 180ºC tot gaar, ongeveer 60 minute.

Kitskorsdeeg:
180 ml (¾ koppie) melk
160 ml (⅔ koppie) olie
2 eiers
300 ml koekmeel
15 ml (1 eetlepel) bakpoeier
1 ml (¼ teelepel) sout

Roer al die bestanddele saam en giet oor die vulsel van jou keuse. Bak teen 180ºC tot gaar en bruin.

Suurroomdeeg:
500 ml (2 koppies) koekmeel
2 ml sout
100 g yskoue botter, gerasper
5 tot 7 ml asyn of suurlemoensap
150 ml suurroom

Sif die meel en sout saam. Vryf die botter met jou vingers in die meelmengsel in.
Meng die asyn en suurroom en roer by die meelmengsel.
Meng liggiies met ‘n vurk tot die bestanddele gemeng is en druk dan liggies met die hande om goed te meng.
Verkoel minstens 2 uur lank in die yskas .
Rol die deeg tussen 2 velle bakpapier uit. Gebruik soos benodig.
Gebruik die kors rou onder jou vulsel en bak saam met die vulsel teen 180ºC tot gaar, ongeveer 60 minute.

Resepte: Monica Nel