SWART KERSIE KAASKOEK MET VARIASIE
- 1 blik (410 g) swart kersies
- 2 pakkies jellie, aangemaak met net warm water
- 1 blik (397 g) gekondenseerde melk
- ½ koppie (125 ml) suurlemoensap
- 1 pakkie (250 g) gladde roomkaas
- 1 lekker tertkors (of gebruik Tennisbeskuitjies)
https://yourrecipeblog.com/recipes/weetbix-tertkors/
Dreineer die kersies goed, maar behou die stroop.
Maak jellie aan met slegs eerste deel kookwater (maw helfte water volgens aanwysings)
Roer aanhoudend tot gesmelt en voeg die stroop hierby.
Laat afkoel.
Klits die kondensmelk en suurlemoensap saam, voeg die roomkaas by en meng goed.
Smeer die helfte van die kaasmengsel oor die kors.
Rangskik die helfte van die kersies bo-op.
Herhaal die lae.
Nota:
As jy ‘n fancy kaaskoek maak, het jy slegs een laag met kersies bo-op.
Bedek met die verdikte kersiestroop.
Verkoel vir ‘n paar uur voor jy bedien.
Variasie:
Om ‘n ander geur tert te maak, vervang kersies met ‘n blik van betrokke vrug en volg verder die metode.
Maak kersie of rooiwynjellie aan en giet bo-oor gestolde tert, met heel kersies in vir versiering.
Resep en foto: Kiti de Jager
