ROOMDEEG VIR SOET-EN SOUTTERTJIES

Resep geplaas deur Cathy Coetzee
Resep getoets en foto: Petré van Jaarsveld
Ek gebruik dit vir tertjies soet of sout.
My gunsteling jamtertjie deeg. Ok goed vir hertzoggies en horingkies.

Roomdeeg:
6 koppies koekmeel
1 teelepel sout
5 teelepels bakpoeier
250 ml room
680-700 g botter
yswater of koue sodawater
Sif droë bestanddele saam. Rasper botter in droë bestanddele in. Vryf met vingers tot dit soos broodkrummels lyk, voeg die room by.
Meng verder met yswater of sodawater tot ‘n stewige deeg vorm wat maklike uitrol ( indien nodig- lees nota). Verkieslik moenie pap wees nie, gebruik soos verkies,
Vir jamtertjies en groot terte, smeer met eier en melk mengsel voor gebak word by 180 ºC.

My gunsteling jamtertjie deeg .
Nota: Petré van Jaarsveld
Ek het nie nodig gehad om water of sodawater by te voeg nie.
Het ook geen bakpoeier by gevoeg nie.

PETRE SE VRUGTEPASTEITJIES (Maak 60)
4 x 425 g pakke “Fruit mince”
½ teelepel fyn gemmer
½ teelepel fyn kaneel
½ teelepel gemengde speserye
¼ teelepel fyn naeltjies
50 ml brandewyn
geklitste eier en melk vir randte
Rol deeg uit, en voer tertbakkies uit met die deeg as kors, druk ook sirkels uit vir “dekseltjies”
Meng die vulselbestanddele goed en skep 1 ½ teelepel van die mengsel in elke bakkie wat uitgevoer is met deeg.
Smeer rand met eiermengsel en sit dekseltjie op.
Skraap rante gelyk . Druk patroontjie op rante met ‘n vurk om te seël en smeer eiermengsel bo-oor.
Bak 15 minute teen 180ºC of tot goudbruin.
Sif strooisuiker bo-oor sodra uit die oond kom.
Laat afkoel verpak in lugdigte houer