EDIE SE TUISGEMAAKTE PIZZA

Tamatiesous:
1 blikkie gekapte tamaties
5 ml sout
2 ml swart peper
15 ml suiker
15 ml olyfolie
2 huisies knoffel fyn
3 ml oreganum
3 ml basil
Deeg:
2 koppies bruismeel
3 ml sout
125 ml kookolie
125 kookwater

Sous:
Kook de bestanddele saam tot amper droog en maak fyn met stokmenger.
Laat afkoel en smeer op pizza deeg as basis.
Pak daarna vulsel van keuse op en bak vir 20 min by 180 ºC.

Deeg
Meng die bestanddele en druk dun uit in jou gespuite oondpan.
Smeer met tamatiesous en pak die pizza vulsel bo-op, strooi lekker dik met kaas van jou keuse.
Nota:
Jy kan ook die deeg bestanddele in ‘n tupper houer gooi en dit skud tot die deel reg is.

Resep en foto: Edie Janse van Rensburg