CORA SE MUFFIN PIZZA’S

Hier is my deeg vir pizza.

Sif dit saam in ‘n mengbak en maak ‘n holte:
3 koppies meel
3 teelepels bakpoeier
Meng in ‘n maatbeker:
1 koppie melk
100 ml olie

Voeg dan die melk/olie by meel en meng tot ‘n deeg.
Plaas op ‘n meelbestrooide werksoppervlak en knie of druk met die handpalm tot ‘n hanteerbare deeg.
Breek bolletjies af en rol sirkels vir pizza.

Sous vir pizza:
60 ml tamatiesous
45 ml olie
45 ml warm water

Meng die bestanddele saam en smeer op die pizza basis.
Sit dan op die pizza waarvan jy hou en laaste gerasperde kaas.
Bak in oond by 180°C vir 15 tot 20 min.

Resep en foto: Cora Naude