CHINESE KLUITJIES MET DOOPSOUS

140 g koekmeel
125 ml kookwater
15 ml olyfolie
10 ml sout

Meng al die bestanddele saam en knie tot ‘n sag en elasties deeg. Voeg nog water by indien die deeg te styf is.
Skep die deeg in ‘n gesmeerde bak en plaas ‘n klam doek oor en laat rus vir 20 minute.
Terwyl die deeg rus maak solank die vulsel as volg:

400 g maalvleis
15 ml vars gekapte gemmer
100 ml vars gekapte spinasie
10 ml rys asyn
10 ml gedroogte rissievlokkies
1 knoffel huisie, gekap
30 ml soya sous
2 sprietuie, gekap
5 ml suiker
sout en pepper, na smaak

Meng al die bestanddele goed saam.
Rol die deeg uit – 5 mm dikte.
Neem ‘n ronde koekie drukker en druk sirkels uit die deeg.
Skep van die vulsel op die deegsirkel en vou dubbeld so dat dit lyk soos ‘n halfmaan.
Verseël die deeg deur middel van knyp en vou metode (met jou duim en wysvinger knyp die deeg saam en vou oom). Hou die gevulde kluitjies onder ‘n klam doek.
Verhit ‘n bietjie olie in ‘n pan en plaas die kluitjies gevoude kant na bo in die olie en braai tot hulle aan die onder kant bruin is. Draai hulle op hulle sy kante om ook te verbruin.
Voeg bietjie warm water by en plaas ‘n deksel op die pan sodat die kluitjies kan gaar stoom. Ongeveer 5 minute.
Verwyder van die pan en maak jou doopsous as volg:

250 ml water
250 ml suiker
3 ml sout
80 ml appel asyn
125 ml soya sous
125 ml tamatie sous
30 ml Maizena, aangemaak met bietjie water

Kook al die bestanddele saam behalwe die Maizena.
Laat die sous prut vir 2 minute en voeg die Maizena by om die sous dikker te maak.
Verwyder van stoofplaat en dien op saam met die kluitjies.

Resep en foto: Ilona Turner