RISSIE- EN SOETPATATSOP

Resep en foto: Alta Smit
“Ek het net ‘n bietjie jogurt by opgeskep soos op die foto. Ek hou van sterk gegeurde (branderige) kos.”

1 kg soetpatats, geskil en in blokkies gesny
2 uie, gekap
1 hoenderaftrekselblokkie
1 blik klapperroom/melk
rooirissiepasta, na smaak
sout en peper, na smaak
Bedek patats en uie met water en kook, tesame met hoendersaftrekselblokkie (die patats moenie in die water “swem” nie, maar moet ook nie droog kook nie).
Versap patats, uie en water sodra patats gaar is.
Voeg klapperroom by asook rissiepasta.
Geur met sout en peper.
Meng goed saam en bedien met vars broodjie en jogurt.